Ruta 3 / 2014-2015 _ Trasalba-PACC San Cibrán de Lás
Data: sábado 22 de novembro
Itinerario:Pazo Museo Otero Pedraio-Trasalba, Petroglifos A Ferradura, A Pedra Formigueiro, Teixeira, Portecelos, Fondo de Vila, Fervenza do Viñao, O Souto, PACC San Cibrán de Lás.
Distancia: 19 km
Nota: A ruta inclúe visita guiada ao Pazo Museo Otero Pedraio, conxunto petroglifos A Ferradura e PACC San Cibrán de Lás.
Chega a terceira ruta do ano e a previsión meteorolóxica de novo non é a ideal. Os modelos numéricos de Meteogalicia falan de chuvia a partir do mediodía, pero é o que ten querer ter as paisaxes verdes das que tanto gostamos non?
O percorrido é moi suave e, arredor dos 19 km, alteramos o tramo por Puzo Lago para gozar co outono na fantástica Fervenza do Viñao e o paseo do río.
Coma sempre, as nosas recomendacións específicas:
1) Como decimos a previsión do tempo fala de auga pero as temperaturas serán elevadas, entre 12º e 17º, polo que sumado ao estado do terreo aconsellamos levar roupa preparada para a auga pero en capas para ir quitando a medida que entremos en calor. Para a parte superior recomendamos levar un chuvasqueiro transpirable, un pantalón de augas ou semellante (polainas) para o tren inferior e como calzado aconsellamos zapatillas baixas tipo trecking pero con Gore-Tex ou aptas para a auga. E de novo o noso amigo paraugas. Ademais non sobraría deixar unha muda non autobús por se rematamos un "pouco secos" hehehehehe...
3) Equipo aconsellable complementario: mochila pequena con apósitos para as bochas e navalla.
4) Horarios: Os de Ourense ás 9:00 no Café-Bar Bekas. @s que sodes de Vigo e Pontevedra en principio e segundo publican na web: proximidades Cafetín (Po) ás 08.00, do Areal (Vi) ás 08.25