👣 06/04/2024 | RUTA 9. Cultura Romana. As Médulas (León) 

As Medulas, situadas na provincia de León, España, son unha asombrosa paisaxe resultada da antiga minería romana de ouro. 

   Descubrimento das Medulas: No século I d.C., os romanos descubriron nas Medulas unha das maiores reservas de ouro de Europa. A procura e explotación do ouro levou á creación dun complexo sistema de minería ao descuberto. 

  Métodos de Explotación: Os romanos empregaron a técnica coñecida como "ruína montium", que consistía en utilizar presión de auga para desgastar e descompoñer as montañas, expoñendo as vetas de ouro. 

*Imaxe do Lago Somido

Para reflexo temos restos dos antigos lavadoiros de ouro da explotación romana. A Lagoa Pinzais, a Lagoa Longa e finalmente, o Lago Somido sucédense entre verdes prados e cheas de cantos rodados.

 A rede de canles, acuedutos e encoros construídos para dirixir a auga evidencia a sofisticada enxeñería romana na rexión. A intensa actividade mineira transformou radicalmente a paisaxe, creando outeiros erosionados e formas xeolóxicas únicas coñecidas como "témpanos" ou "baldíos". 

 As Medulas convertéronse nun testemuño visual da pegada humana no medio ambiente. No século XIX, As Medulas comezaron a ser recoñecidas pola súa importancia histórica e xeolóxica. Na actualidade, son Patrimonio da Humanidade da UNESCO e Ben de Interese Cultural, o que garante a súa preservación.

*Galería de Orellán

 👣 Data: Sábado 06 de Abril de 2024 

 👣 Itinerario: As Médulas, Lago Somido, Miradoiro de Pedrices, Miradoiro de Reirigo, Campo da Braña, Miradoiro de Orellán, A Cuevona, Médulas 

 👣 Distancia: 15 km 

 👣 Dificultade: Media 

 👣 Punto de encontro dos tres Campus: Ás 11:00h na Cafetería do Hotel Medulio en As Médulas

 👣 GPS (itinerario aproximado): https://es.wikiloc.com/rutas-senderismo/mirador-de-las-pedrices-mirador-de-orellan-y-la-cuevona-desde-parking-de-las-medulas-165049663 

 👣 Perfil da ruta:

RECOMENDACIÓNS:

1) As previsións apuntan a que teremos un día nubrado con posibilidade de choiva, con temperaturas case primaverais próximas aos 15º:

Ideal roupa combinada polar e lixeira para camiñar, que podamos ir retirando en función da temperatura. No referido ao calzado o camiño aconsella levar bota ou zapatilla de trekking, mellor con membrana impermeable tipo goretex ante a previsión de choiva. A maiores o terreo de Médulas ao chover contén moito barro, polo tanto escoller ben o calzado.

Aínda que o percorrido vai por camiños anchos e sen moita pedra e convinte levar bastóns de sendeirismo, sobre todo na primeira parte de ascensión ao Miradoiro de Reirigo, debido o desnivel que acumulan ese cumio e tamén no descenso final do Miradoiro de Orellán á cova da Cuevona.

RECORDATORIO: lembrade que podedes deixar unha mochila no autobús para mudar ao final da xornada.

1) Como avituallamento bocadillo, froita, froitos secos, auga, bebidas isotónicas... ao voso criterio.

2) Equipo aconsellable complementario: mochila pequena con apósitos para as bochas e un paraugas. 

3) Punto de encontro e horarios: 
Saída dende Pontevedra Praza Galicia 7:15h

Saída dende Vigo Antiga Reitoría, Rúa Areal 7:40h

Saída dende Ourense Café Perla, Pavillón Deportes UVigo ás 08:30h

O horario comunícase por correo-e o venres anterior á ruta.