👣 Ruta 2 - Auga e Pedra / Meis (Pontevedra)

Publicado por o
👣 Data: sábado 10 de novembro de 2018 
👣 Itinerario:  Mosteiro Armenteira - Aldea Labrega Cabeza de Boi - Río San Martiño - Vilar
👣 Distancia: 15-20 km 
👣 Dificultade: Baixa

> NOTA: A ruta inclúe paradas interpretativas para coñecer o patrimonio do municipio (Mosteiro de Armenteira, muíños do Río San Martiño, San Salvador de Meis...)

> INSCRICIÓNS:
Na web: https://deporxest.uvigo.es/ Prazos: Dende 15 días antes da ruta e ata o xoves anterior.


Despois de coñecer as augas mineromedicinais de Baños de Molgas imos cara outras augas máis próximas á costa. Combinaremos dúas rutas, unha moi famosa (Pedra e Auga) e outra menos (San Martiño) pero igualmente fermosa. Percorrido cómodo pero en constante ascenso para ir collendo forma. 🤪 

Como é norma coñeceremos todo o patrimonio da contorna, con especial mención ao monumental Mosteiro de Armenteira. 


RECOMENDACIÓNS:
1) As previsións de Meteogalicia e ElTiempo.es apuntan a que teremos unha xornada complicada, chea de cores do outono. A temperatura non será baixa pero teremos moita auga, e algo de pedra tamén!! 😅 É por isto, e en base ao coñecemento do ititnerario, recomendamos:

- Para a parte superior levar roupa en varias capas. A exterior impermeable. Ideal tipo capa para cubrir a mochila tamén. Tipo 👉 https://goo.gl/aN6csb
- Para o tren inferior o calzado ideal é bota tipo trekking. Gore-Tex e polainas recomendable. E máis que recomendable levar pantalóns impermeables tamén. 

2) Como avituallamento: bocadillo, froita, froitos secos, auga, bebidas isotónicas... 

3) Equipo aconsellable complementario: mochila pequena con apósitos para as bochas e navalla. Recomendable sempre, nesta ocasión NECESARIO, levar na mochila un paraugas pequeno. 
*****LEVAR UNHA MUDA COMPLETA PARA DEIXAR NO AUTOBÚS E PODER CAMBIARSE AO REMATAR A RUTA DE MODO QUE PODAMOS VOLVER SECOS AOS LUGARES DE ORIXE*****

4) Horarios:
Saída dende Pontevedra ás PENDENTE DE CONFIRMAR (Praza Galicia nº5) 
Saída dende Vigo ás PENDENTE DE CONFIRMAR (Rúa Areal nº46)
Saída dende Ourense ás 9:00h (Café-Bar Bekas)
A hora de remate aproximado será ás 17:00h. (sen contar o regreso en bus aos lugares de orixe).